首个殡仪馆音乐会 旨呈接受《Yahoo娱乐圈》访问 感谢末期癌症患者：畀咗生命中最宝贵嘅时间
歌手旨呈近日参演了两场殡仪馆音乐会，并为第一次由九龙殡仪馆举行的音乐会，以不一样的方式跟逝者道别。旨呈接受《娱乐圈》访问大谈筹备和参演殡仪馆音乐会的历程，又分享这次难得的体验和感受。
回带到音乐会举行前两个多星期，旨呈接到了九龙殡仪馆的电话且开始了解和商讨当中的构思及细节，「很多人对于死亡、生死有很多看法，亦有很多香港人都喜欢用特别嘅方式告别，于是我就上网集思广益，而我自己亦有一个歌List，每个人都会有，我会係《活着多好》，呢个係我最想听嘅一首。我问吓网上嘅人，竟然有人係写《活着Viva》、《係咁先啦》、《喜气洋洋》......好多好多出乎意料嘅歌曲佢哋都会想用嚟做告别式。」
曾参加《全民造星III》及演出舞台剧的旨呈想以舞台剧形式去导入每一首歌，「由悲惨到后来满怀欢笑、放低、释放作End，用喜怒哀乐形式。」他跟享乐团不想如之前在礼堂般左右两旁摆放两排椅子，「今次将所有櫈摆到一个圆圈咁，围住中间一个圆圈，中间放了一副棺材、钢琴、结他。过往实在是太过死板了，我想做呢个音乐会大家係围住，大家都可以Feel到大家嘅存在，就喺隔离、附近，用呢种形式去表演音乐。做咗好多Research、前期等，令丧礼有舞台嘅效果。唔係为咗舞台而设计，而係过往嘅框框令我哋只係坐喺侧边，今次围圈当大家都望住大家时，感觉会更有爱。棺材亦摆满咗心心，表示一种爱嘅存在。就算最爱嘅人离开都係一种爱，我哋帮佢做告别式，都係我哋对佢哋嘅一种爱。」整个筹备都有很多讯息在内。
完成了两场演出，旨呈对此十分深刻，「两场都爆满，坐满晒人。我好惊讶我喺唱某啲歌曲时，有好几个人係啜泣咗嚎哭。我觉得能感动到人，令大家投入到音乐会係非常好嘅事。」他之后发现其中一个啜泣得很厉害的人原来患有末期癌症，「我好感慨同感恩一个生命行到最后嘅人，仍然喺我呢个音乐会上由头听到落尾，陪住我，我都好多谢佢畀咗生命之中最宝贵嘅时间喺我呢个音乐会上。我觉得生死教育好重要，每个人都有对死亡嘅睇法，有恐惧，样样嘢都可以㗎，冇嘢係唔可以。最紧要係要知道每个人都可以用自己喜欢嘅方式去同所有嘅亲朋戚友道别，呢个係今次音乐会最大嘅感受。」
旨呈又谓：「音乐会上设有最后放低思念嘅位置。棺材上摺咗120只纸飞机，係有歌词嘅，一边唱歌一边摺成飞机，到最后一齐向天空飞出去。感觉最大係每个人有好多唔同嘅情感，喺广东歌上可以牵引我哋一啲新嘅感觉。喺殡仪上都係，其实每个人都带住一啲唔同嘅执念，喺一个告别式係可以呈现到唔同嘅情绪。今次能带动到大家喜怒哀乐，到最后释怀，我觉得好似同大家走咗一个好奇妙嘅旅程，由生死去学懂生死之间好嘅面对方式，我好Enjoy今次嘅演出。」
其他人也在看免责声明：本文章由会员“极目新闻”发布如果文章侵权，请联系我们处理，本站仅提供信息存储空间服务如因作品内容、版权和其他问题请于本站联系