55岁郭可盈内地登台惹复出传闻 否认回巢拍TVB剧 传座拥亿万身家
TVB前花旦郭可盈近年甚少拍剧，对上一次主演嘅剧集已经係15年前嘅《富贵门》。早前郭可盈喺内地登台，以黑色低胸裙造型演唱，唔少网民都讚可盈keep得好，甚至因此传出佢係咪有复出大计。郭可盈早前去内地登台，立即惹来复出传闻郭可盈寻日同老公林文龙参加活动，原来寻日仲係郭可盈55岁生日。被问到係咪有意复出时，可盈直接话「冇咁嘅意思」，登台纯粹係觉得合适，而佢就一直等紧好角色好剧本同好团队。郭可盈亦都话TVB冇搵过佢拍剧，可能因为知道佢嘅意向。郭可盈旧年出席TVB台庆颁奖礼郭可盈 林文龙同样好耐冇拍剧嘅林文龙就话自己好高要求，而家接戏嘅前提係享受工作，希望大家开心一齐享受做好件事。郭可盈同林文龙多年前因拍剧结缘，婚后都一齐拍过《十兄弟》演夫妻，但係被问到会唔会再以夫妻档拍剧，文龙就话机会唔大，因为佢同郭可盈都係工作认真嘅人，免得节外生枝。郭可盈同林文龙，无论感情定外表都keep得好好郭可盈係圈中低调富贵人家，郭父郭达昌经营塑胶厂起家，身家丰厚。有传2011年郭达昌逝世前，曾指明要求身为二女嘅郭可盈接管家族生意，并已安排将百亿资产分配俾4名仔女。而郭可盈本身係TVB花旦，收入唔错之余亦投资有道，据报导指可盈2005年一口气买入4个奥运站楼盘逾千呎海景单位，加埋自住嘅西贡独立屋，估计单係物业已经值2亿，难怪唔急住复出。郭可盈同林文龙嘅囡囡林天若原来都已经14岁其他人也在看
免责声明：本文章由会员“极目新闻”发布如果文章侵权，请联系我们处理，本站仅提供信息存储空间服务如因作品内容、版权和其他问题请于本站联系